×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Анѓушев им порача на бизнисмените да препознаат дека е време за инвестиции

    10.03.2018 21:29 | KumanovoNews

    Со предвидените мерки во владиниот План за економски раст, бизнисмените треба да препознаат дека е време за инвестиции, изјави вицепремиерот за економски прашања, Кочо Анѓушев на денешната средба со кумановските стопанственици.

    Анѓушев им порача на бизнисмените да препознаат дека е време за инвестиции

    Притоа најави дека во Буџетот се определени пари за помош на стопанството, направена е програма за поддршка на компаниите, а дел ќе се преточи во закон. Планот, предвидува поддршка за сите компании, има многу мерки, достапни се на веб страните на официјалните владини институции, аплицирањето ќе биде едноставно, фирмите ќе треба да достават завршна сметка, а малите и средните претпријатија да опишат краток бизнис план.

    Кумановските бизнисмени побараа промена на законска регулатива за која рекоа дека во одредени делови е застарана, а како пример го посочија Законот за царина. Исто така, побараа и измена на субвенциите при вработување на постоечкиот опфат на повеќе категории невработени. Потребна им е поддршка од Владата и за зголемување на грејс-периодот за враќање на кредитите, со цел нови инвестиции и повеќе вработувања, поддршка при извоз, но и подобра инфраструктура.

    Вицепремиерот потврди дека одредени закони се застарени и штитат одредени индустрии кои веќе не работат, но најави промена на законот.

    - Што се однесува до кредитите преговараме со Европска Инвестициска Банка да дадат 100 милиони евра нови пари кои ќе ги пуштиме во стопанството. На банките им поставувам два услова, првиот каматата наместо 4 проценти до крајни корисници да биде 4, 1 процент, а втората е да има најмалку година дена грејс период и најмалку 8 до 10 години отплата, рече Анѓушев.

    Градоначалникот, Максим Димитриевски рече дека ќе инвестираат во локалната инфраструктура, но побара и општествена одговорност од компаниите, нагласувајќи дека дел од проектите во Куманово се реализирани со поддршка на бизнис заедницата.

    Појаснувајќи ги клучните услови за користење на мерките, вицепремиерот рече дека компаниите треба да имаат поголем приход во  2017.  во споредба со просекот од претходните три години, фирмите да не го намалиле бројот на вработени со просекот од претходните три, новите компании, пак ќе споредуваат со нула и ќе добијат поголем просек.

    „Ќе добијат 10 проценти од инвестицијата, ако се извозно ориентирани, тогаш ќе добијат 20 проценти, ако платата е над 18.000 денари, ќе добијат 20 проценти од платата, притоа ако фирмата е нова тогаш 75 проценти од нововработените, треба претходно да биле три месеци без работа или директно преземени од образовен процес или да бидат преземени од администрација или од фирма која била во стечај или ликвидација“, рече Анѓушев.

    Во третиот столб каде што се аплицира, како што додаде, предвидени се и други мерки. Ако се воведе нов производ, 70 проценти од цената од трошокот за развој на производот ќе ја покрие државата, со што компаниите ќе станат конкурентни. За млади брзорастечки компании, покрај 10-те проценти предвидени во законот, се враќаат 30 проценти од инвестицијата. Има предвидено  мерки и за старт ап компании каде државата ќе даде од 20 до 25 проценти од капиталот за да се купи опрема.

    „Целта е да ги дадеме парите, но да сме сигурни дека ќе бидат потрошени како што треба“, рече тој и ги повика компаниите да се обратат за кои било прашања.

    На средбата со бизнисмените присуствуваа и министерката за странски инвестиции Зорица Апостолска и министерот за подобрување на инвестициската клима за домашните претпријатија Зоран Шапуриќ./МИА