Нередовно се собира сметот на “Војо Карастојанов“, се жалат жителите

Наместо како што е предвидено двапати неделно, во вторник и во петок, камионите на ЈП „Чистота и зеленило“ ги нема со денови, па сметот смрди во кантите.

„Од петок ги нема да го соберат ѓубрето. Во вторник требаше да дојдат, а ги нема ни денеска. Улицата почна да смрди. Некогаш доаѓаат еднаш неделно, а некогаш ни толку.  Многупати сме се јавувале да интеревнираме и повторно по старо“, - вели Газменд Џафери.

Од ЈП „Чистота и зеленило“ велат дека во овој период од годината имаат зголемен обем на работа и можно е да се случи некоја од улиците да биде одмината и да не се собере сметот  во терминот согласно динамичниот план, меѓутоа сепак во најбрзо време одговораат на потребите на граѓаните.

„Поради техничките проблеми што ги имаме со малите возила отежнато е собирањето на сметот во помалите улички, меѓутоа работиме на решавање на проблемот, - категорични се од претпријатието.