Зачленете се во нашиот клуб на читатели и најновите текстови ќе ги добивате на вашата мејл адреса
Основното јавно обвинителство Куманово извршило увид на местото во село Слупчане, каде синоќа беше пронајдено возило кон кое биле истрелани повеќе куршуми.
На увидот било констатирано дека во патничкото моторно возило во кое се наоѓале две лица, возач и неговото осумгодишно дете, е пукано од близина. Двете лица биле смртно повредени и починале на лице место.
„По насока на надлежен јавен обвинител, увидната екипа на Министерството за внатрешни работи ги обезбеди и подигна трагите од лице место и истите ќе бидат предмет на натамошно вештачење. Пронајдени се и подигнати поголем број испукани чаури преку чие вештачење се очекува да се утврдат битни факти во предметот. Ќе биде извршено вештачење и на возилото на кое се видливи повеќе траги од напад со огнено оружје. Издадена е и Наредба за вршење обдукција на телата на починатите“, - соопштуваат од ОЈО Куманово.
Основното јавно обвинителство Куманово во континуитет презема дејствија со цел целосно расчистување на настанот.