Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот Максим Димитриевски, денеска ги примил претставниците од Факултетот за инженерски менаџмент од Белград, при што било разговарано за соработка на заеднички проекти.
Факултетот има свое претставништво во Врање, поради што постојат услови за прекугранична соработка со Куманово.
„Ние сме заинтересирани за три работи. Прва и основна функција во овој момент е што постојат интересни европските проекти. Европа ги отвори своите фондови за т.н. прекугранична соработка. Бидејќи Куманово е блиску до Врање, ние дојдовме да бараме партнери за европските проекти. Втората функција е врзана за студирањето, бидејќи Куманово е значен регионален центар, каде потенцијалните студенти ќе се запознаат со можности за студирање на нашиот факултет и тоа не само средношколците, туку и оние кои имаат завршено факултети, кои сакаат да одат на постдипломски студии. Третиот аспект кој за нас е интересен, тој е индустриски, сепак, ние сме Факултет за инженески менаџмент, па да видиме како можеме да соработуваме на локално ниво“- изјави деканот Владимир Томашевиќ.
Продеканот Станко Булаиќ, вели дека градоначалникот Димитриевски бил импресиониран што еден Факултет покажал интерес за соработка со Општина Куманово.
„Градоначалникот даде подршка да започнеме секаков вид на соработка, да го искористиме сиот потенцијал. Во наредниот период ќе потпишеме меморандум, ќе имаме зеднички конференции, округли маси, и она што е најважно да ја споиме науката со стопанските субјекти во Куманово и регионот“, - изјави Булаиќ.
Иницијативата за посета и соработка на Факултетот за инженерски менаџмент од Белград со Општина Куманово е на професорот Никола Стојковски од Куманово, кој предава на факултетот во Врање.