Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура „Трајко Прокопиев“, во малата сала, утре во 20 часот ќе се одржи промоција на книгата „Препки“ од авторот Богатин Јосимовски.
Промотори се: Анита Зафировска и Маргица Станисављевиќ- Станисављевска, а ќе настапи и мешовитиот хор на КУД „Ѓоко Симоновски“ при Здружение на пензионери.
„Препки“ е поетски дискурс, (метафорично раскажување) за татковината, животот, историјата, доживувањата, домот, идентитетот, тоа е едно „историско тркало“. Авторот ги втурнува сите оние со немирен дух помеѓу зборовите, стиховите, а секој распознава онолку колку што може да исцрпи од сопственото искуство.
Богатин Љубомир Јосимовски роден е на 11.02.1945 во с. Сопот, Кумановско, во сиромашно селско семејство. Основно училиште завршува во с. Сопот и с. Табановце. Техничко училиште завршува во Скопје и Куманово. Работел во фабриката „Карпош“ – Ѓорче Петров, а од 1965 работи во ФЗЦ „11 Октомври“ Куманово. Денес живее и твори во Куманово. Во 1994 ја објавува поетската книга „Сонетен венец“ посветена на Скопје.