Зачленете се во нашиот клуб на читатели и најновите текстови ќе ги добивате на вашата мејл адреса
По повод одбележување на Денот на планетата Земја - 22 Април, Општина Крива Паланка во соработка со ЈП „Коминалец“ и ООУ „Јоаким Крчовски“ организираа засадување на декоративни садници и каранфили долж коритото на Крива Река.
„Претставници на општинската администрација заедно со вработените, учениците и наставниот кадар активно се вклучија во денешната акција за симболично одбележување на Денот на планетата Земја. Декоративните садници и цвеќиња беа засадени како симбол за живот и здрава животна средина која е неопходен услов за опстанок на сите генерации. Целта на овој настан е подигнување на свеста кај луѓето за чување на планетата Земја, заштита на животната средина и почиста околина, со што Општина Крива Паланка се вклучи во глобалното одбележување на овој ден, заедно со повеќе од милијарда луѓе и организации низ целиот свет“, - соопштуваат од Општина Крива Паланка.
Денот на планетата Земја се одбележува во повеќе од 193 држави, за прв пат беше одбележан во 1970 година во САД со демонстрација против загадувањето и токсичниот отпад.