Зачленете се во нашиот клуб на читатели и најновите текстови ќе ги добивате на вашата мејл адреса
Од вкупните лекарски прегледи на ниво на светот, околу 30 отсто ги сочинуваат акутните респираторни инфекции. Возрасните лица заболуваат од 3 до 5 пати годишно, а пак децата почесто од 4 до 7 пати.
*НАСТИНКА
Настинката е респираторна акутна болест од вирусно потекло. Најчесто се манифестира со: кивавица, течење на воденикав или слузест секрет од носот, но без општи симптоми на инфекција. Исто така како чест симптом се јавува и главоболката се покачена телесна температура од 37 до 38 Целзиусови степени.
Настинката на здравите личности најчесто се пренесува преку: капки, кашлање, кивање, бакнување, ракување со лице кое кивало или кашлало во рацете.
*ЛЕКУВАЊЕ НА НАСТИНКА
Кога станува збор за лекувањето, д-р Јелена Биџиќ во својата статија "Превенција на настинка и грип", вели дека лекувањето на настинката е симптоматско со намалување на телесната температура со антипиретици (ибупрофен, парацетамол, ацетил-салицилна киселина), користење на капки за нос кои го олеснуваат дишењето и ја намалуваат секрецијата од носот, како и мирување.
Исто така докторката за превенција од настинката препорачува јакнење на имунитетот преку конзумирање на витаминот Ц, цинк и магнезиум. Потоа проветрување на просториите, престој на свеж воздух, лична хигиена, т.е миење на рацете кога се ракувате со некој кој има настинка или грип, како и одмор, спиење но и физичка активност.