Зачленете се во нашиот клуб на читатели и најновите текстови ќе ги добивате на вашата мејл адреса
Комисијата за заразни болести ќе ѝ предложи на Владата работното време на угостителските објекти да се ограничи до 21 часот, потврдуваат од Министерството за здравство.
Од Министерството велат дека заедно со Комисијата за заразни болести и Министерството за здравство ќе достават предлог до Владата да усвои нова мерка според која угостителските објекти ќе можат да работат најмногу до 21 часот.
Целта на мерката е да се ублажи ширењето на вирусот. Со досегашните мерки, работното време на угостителските објекти е ограничено до 23 часот.
Синоќа пак, во телевизиска емисија министерот Венко Филипче, покрај мерката угостителските објекти порано да затвораат, ја најави и можноста да побараат од Владата да се забрани одржување на културни настани во затворен простор.
Зачленете се во нашиот клуб на читатели и најновите текстови ќе ги добивате на вашата мејл адреса
