Зачленете се во нашиот клуб на читатели и најновите текстови ќе ги добивате на вашата мејл адреса
Објавата дека се земени парични сретства за издавање на патни исправи не е точна и го повикувам изворот на новинарот, исто како и граѓаните кои имаат било какви информации за коруптивно однесување на полициските службеници во СВР Куманово веднаш да ги пријават.
Ако немаат доверба во раководството на кумановската полиција, можат да се обратат лично во Секторот за внатрешна контрола и професионални стандарди. Не сакам пишувањата да ги наречам шпекулации, ниту новинарски конструкции и измислици, туку ги повикувам да ги презентираат податоците. Доколку постојат елементи да се преземат соодветни мерки согласно законот и полициски службеници кои постапувале непрофесионално да се санкционираат - рече началникот Љубомир Ѓурчевски во врска со пишувањата на весникот „Време“ за вмешаност на вработени од СВР Куманово во транспортот на азилантите во Белгија.
Јас одговорно тврдам дека нема никаква инволвираност на ниту една полициска служба на СВР Куманово или Граничната полиција. Ние неколку дена работиме по сите основи за докажување на кривични дела и прекршоци врзани со оваа постапка која е доста актуелна. До сега не дојдовме до било какво сознание и оперативен податок кој поврзува одредени државни институции што го потикнувале или по било кој основ се инволвирани со работата околу азилот - рече началникот Ѓурчевски.
Тој не сакаше да даде детали за спроведената акција во интерес на истрагата, но соопшти дека во најскоро врме ќе излезат со конкретни податоци за инволвираните лица во транспортирањето на граѓани од кумановско-липковскиот регион во Белгија.