Зачленете се во нашиот клуб на читатели и најновите текстови ќе ги добивате на вашата мејл адреса
Педесетина стопанственици денеска протестираа пред Управата за јавни приходи во Куманово незадоволни поради високата парична казна од 5000 евра што треба да ја платат поради ненавремено поднесување на даночна пријава за ДДВ за минaта година.
Тие бараат казната да им се прости или да е симболична,бидејќи во спротивно повеќето од нив ќе мораат да ги затворат фирмите,а работниците да ги отпуштат.
Данокот ми е само 380 денари, а казната 5.000 евра. Единствено ми преостанува да ги затворам дуќаните, да се пријавам во социјално и да бидам дел од армијата невработени во државата - вели еден од сопствениците.
Протестот до вторник е ставен во мирување, кога бизнисмените треба да добијат одговор на приговори до Управата.
Казната може да биде преполовена доколку се плати за 8 дена од добивањето на решенијата за изречена казна. Според добиените прекршочни пријави од УЈП кумановската бизнис заедница ќе треба да уплати околу 2 милиони евра во буџетот.
Од УЈП информираат дека 158 кумановски фирми се казнети за ненавремено поднесување на пријавите, а 229 даночни обврзници воопшто не поднеле даночна пријава.
Зачленете се во нашиот клуб на читатели и најновите текстови ќе ги добивате на вашата мејл адреса
