×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Официјален старт на студиите на Лондон Метрополитен универзитетот во Скопје

    19.10.2020 18:23 | KumanovoNews

    Од денес официјално стартуваа со настава сите три студиски групи по заедничката програма на Еуро Колеџ и Лондон Метрополитан универзитет од Велика Британија.

    Официјален старт на студиите на Лондон Метрополитен универзитетот во Скопје

    Ова претставува историски момент за македонското образование, бидејќи по прв пат на локалниот образовен пазар се вклучува институција од најстариот и најценетиот во светски рамки образовен систем.

    „Еуро Колеџ уште еднаш покажа дека е водечка високообразовна институција во земјава во однос на соработката со слични институции ширум светот. Од самото свое основање во 2003 година, колеџот започна со соработки со колеџи и универзитети од Велика Британија, САД, Азија и Европа. Сепак партнерството со Лондон Метрополитан е најголемо достигнување на колеџот и круна на напорите на менаџментот да воспостави соработка со најквалитетното образование на светот. Сопственик на Лондон МЕТ е британската држава, кое гарантира имплементација на најригорозен систем на контрола на квалитетот на предавањето, оценувањето и поддршката на студентите за време на студиите. Секој кој е студент на Лондон МЕТ станува дел од елитниот клуб на успешни луѓе кои ја имаат поминато истата обука, а кои се сега водечки во својата професија. Доволно е да го спомнам Садик Кан, кој е сегашен градоначачалник на Лондон и кој по сите предвидувања ќе стане идниот премиер на Велика Британија. Неговиот пат кон успехот започна баш со студирање на Лондон МЕТ, факт кој тој во секоја прилика не пропушта да го истакне. Ние како Еуро Колеџ, заедно со нашата дисперзија Скопје Метрополитан Колеџ, ја донесовме повеќевековната традиција во интерес на нашите студенти. За нас тоа е како да сме ја, со фудбалски речник,  освоиле Лигата на шампиони. Ние го направивме нашето. Во струката која ја водам повеќе од ова не може да се постигне. На македонскиот образовен пазар му останува да ја осознае важноста на едно вакво партнерство и да ја утилизира оваа можност за која сонуваа генерации и генерации на поранешни студенти“, - изјави Љубиша Петрушевски, декан на Еуро Колеџ.

    Од страна на Лондон Метрополитан универзитетот поздравна порака упати др. Рон Кембриџ. која истакна дека, студентите кои ќе студираат на Лондон Мет ќе станат дел од една динамична заедница на инспиративни и детерминирани студенти, академци и иновативни мислители.

    „Нашите програми се подржани од професори експерти и индустриски консултанти и истражувачи. За квалитетот на нашите студии зборува и фактот дека според најновите истражувања дури 96,7% од нашите дипломирани студенти наоѓаат работа во период од 6 месеци. Сакам на сите идни студенти на Еуро Колеџ и Лондон Мет да им посакам топло добредојде и успех во нивните студии. Се надевам дека во иднина ќе имам прилика да се сретнам лично со сите нив во Лондон“,- додаде Кембдиџ.