Зачленете се во нашиот клуб на читатели и најновите текстови ќе ги добивате на вашата мејл адреса
Истражен судија од Основниот суд Куманово, му одреди 30 дена притвор на М.С.(32) од Опае, поради сторени кривични дела разбојништво и тешка кражба. Пријавениот во два наврати користел такси услуги и потоа ги ограбувал возачите.
Првото разбојништво се случили во септември мнатата година, кога опаецот од пред Градската болница земал такси за да си оди во селото. Кога стигнале извадил пиштол и му се заканил на таксистот дека ќе го убие ако не му ги даде парите што ги има. Исплашен од заканата таксистот Б.Д. му дал мобилен телефон и 1000 денари. Во вториот случај М.С. повторно од кај болницата седнал во такси и во близина на селото му наредил на возачот да застане. Тогаш дошле уште две лица кои му одзеле 500 денари и побегнале.