Зачленете се во нашиот клуб на читатели и најновите текстови ќе ги добивате на вашата мејл адреса
Проекти за развој на туризмот и земјоделството, како и подобрување на патната инфраструктура во Североисточниот регион ќе се најдат во новата платформа за регионална рурална акција, која треба да се реализира во наредните две години.
Работилницата за ажурирање на акциониот план во Севроисточниот плански регион, се одржа викендов во Охрид, а учествуваа претставници од шестте општини и Центарот за регионален развој на североисточниот плански регион, невладиниот и бизнис секторот во регионот.
„ Идентификувани се некои нови проекти, кои што се надеваме дека ќе бидат успешно реализирани и дека ќе придонесат за позначаен економски развој на Сероисточниот плански регион.Заеднички за сите општини е потребата од реконструкција и изградба на постојната и нова инфраструктура, која што е основен предуслов за поекстензивен економски развој, но истовремено беше очигледно дека кај сите општини постои свест дека туризмот и земјоделието како две најперспективни гранки за овој регион треба понатаму да се развиваат“, - изјави Денис Жерновски, тренер консултант.
Проектите ќе бидат финасирани од националните и локални буџети, но и со помош од ЕУ и другите донаторски организации УСАИД и ГИЗ.
Документот ќе биде готов до крајот на годината и ќе биде промовиран во Куманово, а е дел од активностите на Платформа за регионална рурална акција (ПРРА), механизам за поддршка на оддржлив економски равој во Североисточниот плански регион, воспоставена врз основ на Закон за меѓуопштинска соработка и се реализара од страна на Центар за развој на Североисточен плански регион, со техничка и финансиска поддршка од Министерството за локална самоуправа и Програмата на Обединети нации (UNDP).