56 кумановци добија грант од 3000 евра за самовработување

Најголем дел од нив ќе отворат занатчиски работилници, продавници, адвокатски канцеларии, стоматолошки работилници и помали производствени капацитети.

„ На првиот оглас, аплицираа 112 лица од кои 56 имаа најуспешни бизнис планови и денеска ги финализираме договорите. На вториот оглас се пријавини 71 невработено лице, а 46 бизнис планови се рагледуваат и до 15 октомври ќе бидат реализирани,- изјави Милорад Тренчевски, раководителот во Центарот за вработување Куманово.

Тренчевски тврди дека анализата покажала дека дури 80 проценти од започнатите бизниси успешно опстојуваат и се зголемил бројот на вработените. Поради големиот интерес за самовработување од денеска е отворен нов оглас за проектот „Македонија вработува 2“ кој ќе трае до 20 септември.

Преку мерките за намалување на невработеноста во Куманово досега се ангажирани 1.360 лица.