Камери против сообраќајниот хаос – прво во Куманово, Скопје и Тетово

Министерот за внатрешни работи Панче Тошковски очекува до средината на следната година да биде покриена целата територија на државата.

Казна затвор и трајно одземање на колите се дел од казните, со кој преку камерите на улиците ќе се регистрираат сообраќајни прекршоци. 

Пред формално да почне со употреба, најмалку еден месец претходно ќе има тест период во кој граѓаните ќе бидат информирани дека сториле прекршок, а казни ќе се пишуваат од 1 јануари 2026. 

„Целта на овој систем не е казнување на македонските граѓани, ниту пак полнење на државниот буџет. Целта е да се спаси барем еден човечки живот. Бројките се страшни – во 2024 година имавме 142 жртви како последица на непочитување на сообраќајните правила и сообраќајни несреќи. Сигурен сум дека тие бројки ќе се намалат со ставање на системот во функција“, изјави Тошковски.

Министерот најави дека контролите ќе продолжат и дека ќе се заострат казните, особено во рамки на Кривичниот законик.