Концерт на учениците од Куманово и Охрид

Учениците денеска одржаа заеднички концерт, а беше потпишан и меморандум за соработка.

Денеска во нашето училиште „Панче Пешев„, на гости ни дојдоа учениците и професорите од музичкото училиште „Методи Патчев„ од Охрид. Заедно го реализираме проектот за меѓуетничка интеграција во образованието, со одржување на заеднички концерт. За првпат  соработуваме, но таа ќе продолжи и во наредниот период со возвратен концерт во Охрид, што ќе се реализира на почетокот на новата учебна година во септември, - изјави Ивана Андоновска-Свилар.

Младите музичари изведоа дела на Моцарт, Брамс, Шостаковиќ, Бетовен и други, на виолина, пијано, кларинет, хармоника и флејта.

Проектот е подржан во УСАИД а има за цел да ја потикне соработката меѓу учениците од различни етнички заедници.