Намален бројот на заболени од варичела

Во јули се регистрирани 69 случаи за разлика од јуни кога нивниот број достигна 104 лица, а во мај 100. Предходните месеци во просек имало околу 50 заболени.

„Варичелата е карактеристична за пролетните месеци мај и јуни и тогаш го достигнува врвот. Во летните месеци болеста опаѓа. Така е оваа година, - вели докторка Јадранка Стаменковска, епидемиолог во ЦЈЗ Куманово.

Најзафатени се децата до 6 години, а заболувањето го има и кај останатите возрасти.  Заболениот треба да се изолира во домашни услови и да се води сметка за личната хигиена.