Објавен повикот за учество на изложбата „Кумановски ликовни уметници 2026“

Пријавувањето трае до 10 октомври во Уметничката галерија при НУ Музеј – Куманово.

„Секој учесник треба да пријави едно ликовно дело, по можност неизложувано, од својата најнова продукција. При доставувањето на делото потребно е да се приложат и биографија на авторот, насловот и димензиите на делото“, објави организаторот.

Изложбата е дел од програмските активности на НУ Музеј – Куманово и е финансиски поддржана од Министерството за култура и туризам и Општина Куманово.