Обвинителството го истражува опожарувањето на автомобилот

Според првичните сознанија, причина за стореното дело биле влошени меѓучовечки односи кои траеле неколку години, а започнале кога осомниченото лице било студент на факултет каде сопственикот на возилото е професор.

Од пожарот со кој е предизвикана значителна опасност, било зафатено и друго возило – „Пежо 206“.

Надлежен јавен обвинител од Основното јавно обвинителство Куманово изврши увид на лице место и издаде потребни насоки за натамошно расветлување на настанот. Ценејќи дека се исполнети законските основи, до Основниот суд – Куманово против осомничениот е поднесен Предлог за изрекување мерка на претпазливост – Одземање на патна исправа.