Приведен кумановец – провалувал во цркви и крадел пари

Според информациите од МВР, на 24 август тој со употреба на сила влегол во црквата „Св. Троица“ во селото Љубодраг и одзел пари. Четири дена подоцна, на 28 август, на сличен начин се обидел да одземе пари од касата во црквата „Св. Петка“ во населбата Бедиње, Куманово.

Осомничениот бил приведен во полициска станица, каде што во службен разговор ги признал делата. Украденото било пронајдено и вратено на сопствениците, а по целосно документирање на случајот, против него ќе биде поднесена соодветна кривична пријава.