Приведен кумановец за подметнување пожар, изгореле куќа, автомобил, ниви

„Вчера во 18.30 часот полициски службеници од СВР Куманово го лишиле од слобода С.С.(57) од Куманово, поради постоење основи на сомнение за сторено кривично дело "предизвикување на општа опасност". Имено во населбата Карпош на Никуљски пат предизвикал пожар при што опожарени биле сува трева, патничко возило "ауди", напуштена куќа и ниви“, соопшти МВР.

Според Регионалниот центар за управување со кризи (РЦУК) пожарникарите вчера интервенирале на пожар на сува трева во нива во населбата Карпош во 16.25 часот со 3 возила и 7 пожарникари. Откако пожарот се проширил интервентната екипа била засилена со уште 2 возила и 6 пожарникари. Пожарот е целосно локализиран во 20.30 часот.

Пожарникарите во текот на изминатто деноноќие интервенции: на запалено ѓубре на дивата депонија на ул. „Ѓорче Петров“, сува трева во с.Романовце,  кај месна индустрија Никси, покрај пругата во населба Перо Чичо и во населба Карпош. Во моментот нема активни пожари.

(фото.архива)