Со 100.000 евра од ЕУ ќе се реновира геријатриското одделение во Домот за стари лица во Куманово

Проектот „Премостување на границите – заедно за утре“ е партнерски проект помеѓу двете институции и две невладини организации, „Порака наша“ од Куманово и Едукативен центар од Лесковац. Проектот ќе трае 24 месеци.

„Вкупниот буџет на проектот е 402.336 евра, од кои 85 отсто ги обезбедува Европската унија. Со тие пари е предвидена реконструкција на Домот за стари лица во Куманово и Центарот за унапредување на социјалната заштита во Врање. Имаме и меки мерки, активности за унапредување на квалитетот на животот на корисниците, две мини кампањи кои ќе треба да ја запознаат пошироката јавност со нивните проблемите, тенинзи и обуки за вработените во секторите за социјална заштита,  за да се подигнат заедничките капацитети во пограничниот регион“, изјави Игор Стаиќ, менаџер на проектот од Едукативен центар од Лесковац. 

За реконструкцијата у опремување на одделението во Домот за стари лица „Зафир Сајто“ предвидени се близу 100.000 евра.

„Нашиот дом ќе добие целосна реконструкција на геријатриското одделение, како и нова опрема. Исто така ќе се обезбеди и техничка помош која се состои во компјутери и лап-топи, за потребите на корисниците и вработените. Преку овој проект ќе се добијат поквалитетни услуги, што е од големо значење за нас како институција. Ние имаме 60.000 евра за реконструкција, 20.000 евра за опрема на просториите и 15.000 евра за компјутерската техника“, кажа Александар Крстевски, директор на Домот за стари лица „Зафир Сајто“.  

Центарот за социјална заштита на Врање, исто така ќе добие близу 100.000 евра, а ќе се искористат за реновирање на кровот и обезбедување на компјутерска опрема.

„Овој проект е за нас е од огромно значење, затоа што нашата зграда е стара преку 40 години. Вредноста на прокто е околу 100.000 евра, тука ја сметам и компјутерската опрема.  Површината на кровната конструкција е околу 600 м2“, кажа директорот Драган Јањиќ.

Јелена Стаменковиќ од „Порака наша“, објасни дека нивните активности се насочени кон нивните корисници и потребите кои ги имаат.

„Ќе работиме на унапредување на дигиталната писменост кај маргинализираните групи, ќе организираме работилници за здравствена едукација на стари лица, лица со попреченост и нивните семејства. Тука се и обуките за здраво стареење, ментално здравје, прекугранична културна размена на искуство и др“, кажа Стаменковиќ.