“Светозар Марковиќ“ ќе добие лифт за инвалиди

Инвестицијата е во рамки на прекуграничниот проект “Сите деца учат заедно“.

Овој проект го реализира Центар за развој на североисточен плански регион со општина Дупница од соседна Бугарија.

 “Работите се при крај и очекуваме во новата учебна година лифтот да биде ставен во функција. Ние засега немаме деца инвалиди, но тоа е променливо и во секој случај добро е да имаме услови. Ние сме прво училиште во општина Старо Нагоричане кое ќе добие лифт за инвалиди “ - вели Даниела Станковска, директорка на училиштето.

Во “Светозар Марковиќ“ учат вкупно 98 деца.