Викенд акција за собирање на кабаст отпад на три локации во Куманово

Контејнерите ќе бидат поставени во населбите „Гоце Делчев“ (поранешен „Шипад“),  Бабин Дол (кај последната трафостаница) и „Тоде Мендол“ (место викано Бараки). 

„Во согласност со насоките од Министерството за животна средина и просторно планирање, Општина Куманово во соработка со ЈП „Чистота и зеленило“ организира тридневна акција за собирање на кабаст отпад.  Акцијата ќе се спроведе во период од 12.09. до 14.09.2025 година (петок, сабота и недела). Апелираме до сите граѓани кабастиот отпад (стар мебел, електрични уреди, големи предмети и сл.) да го одложуваат исклучиво на наведените локации во предвидениот период, со цел сите заедно да придонесеме за почиста и поуредна животна средина“, наведено е во соопштението на Општина Куманово.