Во Куманово наврнаа 38 литри дожд на метар квадратен

Во изминатите 24 часа во Куманово наврнаа 38 литри дожд на метар квадратен. Минималната измерена температура изнесувала 9, а максималната 11,5 степени Целзиусови.

Како што информира Управата за хидрометеоролошки работи, до 8:30 часот наврнале и 57 литри дожд на единица површина во Крива Паланка, 55 во Маврови Анови, 43 во Лазарополе и Тетово,  37 во Скопје – Петровец, 33 во Скопје – Зајчев Рид, 31 во Ѓуриште, 28 во Виница, 21 во Велес, 20 во Штип и Крушево, 9 во Кавадарци, 8 во Прилеп, 7 во Демир Капија, 6 во Берово и Битола, 5 во Претор, 4 во Гевгелија и 2 во Струмица.

Времето денеска претпладне е претежно облачно со повремени локални врнежи од дожд, наместа пообилни и поројни, со можност за ретки грмежи. Во текот на попладневните часови врнежите ќе престанат, а облачноста постепено ќе се намали. Ќе дува засилен ветер од западен и северозападен правец.

Во Скопје времето е променливо облачно, претпладне со повремени врнежи од дожд, локално пообилни. Попладне се очекува престанок на врнежите, а ќе дува умерен ветер, претежно од северен правец.

И утре времето ќе биде променливо облачно со повремени локални врнежи од дожд, при дневни температури кои ќе се движат од 12 до 17 степени Целзиусови. Ќе дува умерен ветер, а долж Повардарието повремено засилен од северозападен правец.