Заев и Манчевски дадоа исказ во Кумановскиот суд
Во Основниот суд Куманово, денеска продолжи судењето против лидерот Зоран Заев и партијата СДСМ , по приватна тужба на генералниот секретар на ГРОМ Виктор Цветковски, за незаконско објавување на прислушуваните разговори.
На рочиштето искази дале Зоран Заев како првообвинет и Дамјан Манчевски, како претставник на правното лице СДСМ. Во својата одбрана тврделе дека одлуката за објавување на прислушуваните разговори била донесена на највисоките органи на партијата.
На предходните рочишта Заев и Мартин Костовски претседател на општинската организација во Куманово, се изјаснија дека не се виновни за делата што се обвинети.
Цветковски ги тужи поранешните сопартијци заради објавување на разговори со поранешната министерка Гордана Јанкуловска за обезбедување на гласови на ВМРО-ДПМНЕ помеѓу двата круга на локалните избори во 2013 година.
Наредното рочиште е закажано за 13 февруари, кога ќе биде сослушан Костовски и ќе следуваат завршни зборови на тужителот и одбраната.
НАЈНОВИ
-
Странски експерти ќе ги проверуваат кардиолошките интервенции во приватното здравство по наводите на д-р Кедев
-
Гласачкото ливче може да биде долго 7-8 метри поради граѓанските листи, вели Мицкоски
-
„Не дозволувајте да ве измамат по телефон!“, кампања на МВР во Куманово
-
Владата ќе купува 100 нови амбулантни возила
-
Кривична пријава за мајка која ја терала малолетната ќерка да питачи
-
Во вторник седница на Советот – 70 точки на дневен ред
