Заврши зимскиот распуст, учениците денеска на училиште

Зимскиот распуст беше продолжен со два дополнителни наставни дена (18-ти и 20 јануари), по препораката од Комисијата за заразни болести и Министерството за здравство за да се избегне опасноста од ширење на грипот.

Од Секторот за образование во Општина Куманово информираат дека наставата започнала без проблеми во сите основни и средни училишта, бидејќи за врема на распустот биле отстранети сите дефекти на системите за затоплување, кои настанале поради екстремно ниските температури.