×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    СРЕЌНА НОВА 2010!!!

    Виктор Цветковски

    Невообичаеното топло време за овој период од годината, допринесе на плоштадот да излезат луѓе од сите генерации и да уживаат во музиката на Северина. Сексепилната хрватица, не остави некого рамнодушен и направи одлична атмосфера.
    "Одлично! Ова е најдобрата новогодишна забава досега на плоштадот. Минатите години беше ладно или пејачите слаби. Годинава е полн погодок. Секоја чест за организаторите и Северина"- рече еден од веселите гости.
    Градоначалникот Зоран Дамјановски на полноќ им ја честиташе Новата година на граѓаните и им посака многу здравје, среќа и успех. "Само заедно сме посилни и ќе го направиме Куманово поубаво место за живеење, а тоа го покажува и вечерашнава журка"- рече Дамјановски.
    На прославата на плоштадот имаше и гости од околните градови. Можеа да се видат друштва што дошле од Скопје, Врање и Штип. "Куманово стана препознатливо по добрите концерти. Дојдовме затоа што ја сакаме Северина, а ова е ретка можност да ја видиме и убаво да си поминеме" - ни рече едно друштво од Свети Николе.
    Меѓу познатите личности беше и пратеникот Андреј Петров.
     Атмосферата за пречек на Новата година беше прекрасна и во кафулињата, рестораните каде голем број на кумановци славеа.

    Виктор Цветковски,

    *Ставовите изнесени во колумните не се ставови на редакцијата на KumanovoNews. Затоа KumanovoNews не сноси одоговорност за содржината на истите.*