Зачленете се во нашиот клуб на читатели и најновите текстови ќе ги добивате на вашата мејл адреса
Управата за јавни приходи (УЈП) ги информира корисниците на апликацијата Мој ДДВ, дека е извршено нејзино прилагодување согласно измените и дополнувањето на Законот за враќање на дел од данокот на додадена вредност за физички лица, Овој Закон е објавен во Сл.весник на РСМ бр.65/2023 на ден 23 март 2023 година.
Ова значи дека сите корисници на Мој ДДВ ќе треба да ја преземат новата верзија на апликацијата од Плејстор, Аппстор и Хуавеи апгалери.
Измените веќе се видливи во апликацијата Мој ДДВ во верзијата 2.1.6., наведува УЈП.
Исплатите со зголемен максимален износ од 2.100 денари по корисник за скенираните фискални сметки во првото тримесечје од годинава ќе се реализираат во мај.
Според УЈП, во моментов апликацијата Мој ДДВ ја користат 523.673 граѓани, a бројот на нови корисници секојдневно расте.
Од почетокот на мерката до денеска, кај граѓаните се вратени близу шест милијарди денари.
Зачленете се во нашиот клуб на читатели и најновите текстови ќе ги добивате на вашата мејл адреса
