Зачленете се во нашиот клуб на читатели и најновите текстови ќе ги добивате на вашата мејл адреса
Синоќа, на Градскиот плоштад во Крива Паланка се одржа првата фестивалска вечер на 18-то издание на Меѓународниот фолклорен фестивал „Св.Јоаким Осоговски“.
На овој традиционален фестивал, кој трае 3 дена, годинава учествуваат фолклорни ансамбли од Романија, Црна Гора, Босна и Херцеговина, Србија и од Македонија.
„Фолклорот е непресушно богатство што се репродуцира преку духот на народот, печат на посебноста на еден народ и идентитет што ѝ пркоси на современата технологија чувајќи го од заборав битот.Нашата традиција е одраз на душата од македонскиот народ што никого не остава рамнодушен. Дел од нив, заедно со разноликоста на културата што ја презентираат ансамблите - учесници од разни европски краеви, ќе имате можност да ги видите токму на овој тридневен фестивал“, рече Сашко Митовски, градоначалник на Крива Паланка на свеченото отоврање на фестивалот.
Манифестацијата е во организација на Општина Крива Паланка и НУ Центар за култура, со поддршка од Министерството за култура.
Зачленете се во нашиот клуб на читатели и најновите текстови ќе ги добивате на вашата мејл адреса
