×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Атрактивно офф-роад рели низ Осоговието

    20.08.2022 21:11 | Жаклина Цветковска

    Сите љубители на планината и адреналинското возење имаат можност да бидат дел од годинашната авантура низ Осоговието, во рамките на Офф - роад релито што се одржува овој викенд, односно на 20 и 21 август 2022 година, во организација на Општина Крива Паланка и Здружението Офф-роад „Екстрим“.

    Атрактивно офф-роад рели низ Осоговието

    „Крива Паланка нуди одлични можности за адреналински и алтернативни спортови, а ова рели ве носи низ убавините на прекрасните планински предели. Џип-релито низ Осоговските Планини е авантура на четири тркала што треба да се доживее и почувствува, да се ужива во прекрасниот чист планински воздух и пејзажите на недопрената природа. Ги покануваме сите, кои се за едно несекојдневно доживување, овој викенд да бидат дел од најновото Офф-роад рели, посочува градоначалникот на Општина Крива Паланка, Сашко Митовски.

    Првиот ден се минуваше низ маалото Дивјанци, селата: Осиче, Гарваница, Добровница, Трново, Узем, Тораница, преку Царев Врв до езерцето на Калин Камен, каде ќе се кампува со шатори и со организирана забава, информираат од Офф-роад “Екстрим”, Крива Паланка.

    За вториот ден е предвидена кружна временска трка во повеќе категории со вредни награди од спонзорите и поддржувачите.

    Релито, се организира веќе една деценија и секоја година учествуваат околу 500 љубители на природата и теренско возење, со над 250 возила со џипови, мотори, 4х4 возила.

    (фото.krivapalanaka.gov.mk)