Зачленете се во нашиот клуб на читатели и најновите текстови ќе ги добивате на вашата мејл адреса
На седум пожари на отворено интервенирале пожарникарите од Североисточниот регион во текот на последното деноноќие. Се гаснела ниска вегетација, грмушки, сува трева, но и борова шума.
Територијалната противпожарна единица Крива Паланка, интевренирала во селото Узем, месноста викана „Стара Касарна“ на површина од 5 декари.
Пожарникарите од Куманово гаснеле запалена ниска вегетација во селото Бељаковце и на Пчињски пат.
ТППЕ Старо Нагоричaне исто така биле на терен поради запалени грмушки и ниска вегетација во селото Орах.
„Во Кратово биле запалени стрниште и ниска вегетација на површина од околу 10 ха на потегот од селото Коњух кон селото Бељаковце. Во Ранковце се гаснеле запалени грмушки и ниска вегетација на површина од околу 6 ха кај Чатал“ соопштуваат од Регионалниот центар за управување со кризи Куманово.
Центарот за управување со кризи апелира да не се пали вегетација на отворено, а појавата на пожар што побрзо да се пријавува на Единствениот повикувачки број за итни случаи 112.
Зачленете се во нашиот клуб на читатели и најновите текстови ќе ги добивате на вашата мејл адреса
