Зачленете се во нашиот клуб на читатели и најновите текстови ќе ги добивате на вашата мејл адреса
Гимнастичкиот клуб „Атлета“ од Куманово од почетокот на месецот работи во нов современ простор за вежбање. Клубот се пресели во нова сала која е со површина од 400 м2, во која децата од најрана возраст може да вежбаат и правилно да се развиваат.
„Работиме на подобрување на моторичките способности на децата од 4 годишна возраст, оваа група е насочена кон развивање на основните форми на движење кај децата на таа возраст, како што се: разни видови одење, трчање, скокање, качување, лазење, итн“, вели тренерот Филип Миленковски.
Клубот постојано ги проширува своите активности, па покрај гимнастиката и пливачки клуб за децата, се најавува и нов проект, а тоа е нова спортска гранка и се вика Антропомоторика.
„Преку овој проект нашата цел е да ги опфатиме возрасните лица, ќе работиме во женски групи и машки групи. Антропомоториката како спортска гранка има за цел да ги подобри и задржи на високо ниво човековите моторни способности: сила, брзина, издржливост, флексибилност, координација, прецизност, рамнотежа, преку широк дијапазон на вежби“, изјави тренерот Никола Златановски.
Тренинзите ќе се одржуваат во новата сала која се наоѓа на ул. „Октомвриска Револуција„ до Кипер Маркет.
Зачленете се во нашиот клуб на читатели и најновите текстови ќе ги добивате на вашата мејл адреса
