Зачленете се во нашиот клуб на читатели и најновите текстови ќе ги добивате на вашата мејл адреса
За нецели 2 години преку мерките на Оперативниот план за активни програми и мерки, се вработиле 3.370 жени, а со вештини и квалификации барани на пазарот на трудот се стекнале 6.035 жени, односно речиси 10.000 жени се вработени или работно- оспособени, истакна министерката за труд и социјална политика Јованка Тренчевска, на настан насловен „Зајакнување на позицијата на жените во приватниот сектор“, организиран од Филип Морис Тутунски Комбинат Прилеп, како членка на Алијансата за родова еднаквост при Асоцијацијата за е-трговија.
„Грантовите за самовработување се најпривлечна мерка за жените очигледно. Токму нивните нови иновативни бизниси, поддржани од Министерството за труд и социјална политика, Агенцијата за вработување, но и од вас, во текот на нивниот развој допринесуваат за нова бизнис клима, за раздвижување на конкуренцијата, за оснажнување на други жени. Токму нивните идеи, напори, но и потреба за вмрежување се опфатени во Стратегијата за развој на женското претприемаштво, која треба да промовира економското јакнење на жените преку создавање на поволна бизнис клима и обезбедување поддршка за развој на нивниот претприемнички потенцијал. Со тоа ќе се придонесе кон развојот на постоечките и отворање на нови претпријатија, креирање на нови работни места, а со тоа и јакнење на целокупната економија,“ порача Тренчевска.
Притоа, таа ја истакна посветеноста во промовирањето на родовата еднаквост, подобрувањето на условите за живот, но и личен развој на жените, заложбите за еднаква плата за жените и еднакви можности.
Зачленете се во нашиот клуб на читатели и најновите текстови ќе ги добивате на вашата мејл адреса
