26 вработени во Нагоричане преку владини проекти

 Најголем дел од нив се ангажирани во производствените капацитети и услужните дејности на територијата на двете соседни општини Старо Нагоричене и Куманово.

Во Старо Нагоричане активни баратели на работа се околу 300 лица. Пред повеќето од нив денеска беше промовиран проектот „Македонија вработува 2„.

Имаше голем интерес од посетителите. Им поделивме флаери и им ги објаснивме најновите мерки. Се надевам дека ќе има резултати и од овој проект како што беше со првиот, за невработените и за фирмите кои егзистираат во оваа општина, - изјави Милорад Тренчевски, директор во Агенцијата за вработување.

На присутните им се обрати и градоначалникот на Старо Нагоричане, Милован Стојковски, кој најави отварање на нови работни места во општината.

„Фам-инженеринг доби дозвола за градба за фабрика за метални конструкции, Стил-кон веќе постои, се рестартираат и поранешните зикови оранжерии, чекаме поделба и на уделот меѓу Пелистерка и Аква кокино и се надевам дека брзо ќе почне со работа и таа фабрика, - рече Стојковски.

Проектот “Македонија вработува 2“ предвидува работодавачот кој ќе вработи лице од 35 до 50 години да биде ослободен од плаќање на придонеси од задолжително социјално осигурување и персонален данок во траење од 60 месеци од денот на вработувањето.