Зачленете се во нашиот клуб на читатели и најновите текстови ќе ги добивате на вашата мејл адреса
Академија Осогово од Крива Паланка го освои златото во Третата пионерска лига на Македонија, триумфирајќи во финалниот натпревар против Куманово Милано со минимални 1:0.
Херој на натпреварот беше Марио Младеновски, чиј погодок ја донесе победата и шампионската титула за младите паланчани.
Клубот претходно ја освои и Третата пионерска А-лига, завршувајќи на првото место со 45 бодови. Иако ист број бодови освои и Вардар Неготино, Академија Осогово го обезбеди врвот благодарение на подобриот меѓусебен скор.
Под водство на младиот тренер Михаил Павловски, тимот се истакна со најдобра одбрана во лигата — примени само 25 голови — и трет најдобар напад со вкупно 61 постигнат погодок. Најдобар стрелец на екипата е Михаил Гоговски со 19 голови, со што го зазеде третото место на листата на стрелци, зад Петар Смилков (Вардар Неготино – 40 гола) и Боан Колишев (Слога Виница – 21 гол).
Во големото финале за апсолутен шампион на Третата пионерска лига, Академија Осогово се соочи со победникот на Б-лигата, Куманово Милано. И покрај силната борба на теренот, минималниот резултат им припадна на фудбалерите од Крива Паланка.
Младите шампиони ги прими градоначалникот Сашко Митовски, кој им ја честиташе победата, и порача дека ова не е само победа во спортот – туку и за општината и за иднината на македонскиот фудбал.
Никола Митовски
Фото: Фејсбук
Зачленете се во нашиот клуб на читатели и најновите текстови ќе ги добивате на вашата мејл адреса
