Книжевна вечер со Бранислав Матиќ во Српскиот информативен центар „Спона“ во Куманово

За делото на Матиќ ќе зборуваат Јован Пејчиќ и Милутин Станчиќ, програмски уредник во „Спона“.

Бранислав Матиќ, роден во Лозница, Србија, 1965 година, е поет, уредник, издавач. Неговата поезија, есеи и погледи се објавувани во низа на угледни списанија. Вклучен е во првата антологија на српскот сатиричен афоризам (“Историја апокалипсе”, 1987). Уредник е на повеќе списанија, издавачки куќи и магазини. Има подготвено и уредено голем број на книги, од областа на книжевноста, уметноста, сакралната традиција, филозофија, историја и култура. Живее и работи во Белград. 

Тој досега ги објавил книгите: “Хиперборејски летопис” (2015), “Острво” (2020), “Благослови” (2022), Гополитичке монографије: “Србија. Геополитички албум” (2011), “Србија под капом небеском” (2017), “Београд, изнад Истока и Запада” (2023). Есеи и записи: “Благо Косова и Метохије” (2009), “Чувени странци о Србији” (2009), “Велики српски визионари” (2009), “Мали српски мисленик” (2010)…

Неговите дела се преведувани на англиски, руски, италијански, шпански, француски, германски, кинески и други светски јазици.