Кривична пријава за мајка која ја терала малолетната ќерка да питачи

Педесет и шестгодишна жена од Куманово е осомничена дека ја присилувала својата малолетна ќерка да питачи.

СВР Куманово поднесе кривична пријава против Б.В. (56) од Куманово, поради постоење основи на сомнение за сторено кривично дело „запуштање и малтретирање на дете“.

Според пријавата, осомничената ја злоупотребила својата родителска должност за грижа и воспитување на малолетното дете, на тој начин што ја принудила да врши работа која не одговара на нејзината возраст, односно ја наведувала на питачење.