Кумановци и синоќа маршираа „За заедничка Македонија“

Граѓаните тргнаа од соборниот храм „Свeти Никола“, поминаа низ централните градски улици и завршија во центарот на градот, на улицата пред јарболот каде што се вее македонското знаме.

Учесниците ја испеаја Македонската химна, а говорниците упатија пораки да се зачуваат уставот на државата, територијалниот интегритет и суверенитет, да не се менуваат химната и знамето, да не се менува јазикот и се што ја чини, како што рекоа, суштината на унитарна Македонија.