Лажни се дојавите за бомби во 17 училишта во Куманово

Пријавите за поставени бомби во 17 училишта во Куманово се лажни, соопшти Министерството за внатрешни работи (МВР).

 

По извршените проверки, утврдено е дека во училишните објекти нема поставени експлозивни направи.

„Вчера околу 18:00 часот во СВР Скопје и СВР Куманово беше пријавено дека на е-мејл адресите на 30 училишта во Скопје и 17 училишта во Куманово пристигнале пораки за наводно поставени експлозивни направи. Веднаш се преземени соодветни мерки и активности, извршени се потребните проверки и е утврдено дека се работи за лажни пријави“, соопшти МВР.