Награда за вокално-иструментален настап на „Панче Пешев„ во Долнени

„Настапивме со “Велигденско кумово оро” во изведба на изворниот оркестар и женска пејачка група со песната “Димко делија коња играја” со што освоивме прво место, и добивме стауетка за најдобар вокално инструментален настап, - изјави Мирослав Крстевски, претседател на КУД “Панче Пешев“.

Фестивал на народни инструменти и песни “Пеце Атанасовски”, викендов се одржа по 43-пат на Рудина кај Долнени, прилепско.

Двете фолклорни вечери биле исполнети со звуците на гајдата, кавалот, тапанот, гуслата како и прекрасната изворна македонска песна. На фестивалот учествувале повеќе од 350 натпреварувачи меѓу кои изведувачи од Пробиштип, Кочани, Истибања, Битола, Демир Хисар како и членовите на КУД “Панче Пешев” од Куманово. За прв пат настапила и влашката пејачка група од Скопје.