Навивачи од Бугарија го блокираа патот Крива Паланка-Куманово

Според податоците од МВР, инцидентот се случил утринава околу 3 часот, кога бугарски автобус кој сообраќал на магистралниот пат Крива Паланка-Куманово, запрел на бензинска пумпа „Макпетрол“ на обиколницата кај Крива Паланка, при што патниците, навивачи на спортски клуб „Ботев“ од Пловдив, излегле од автобусот и испишале графити со навредлива содржина за Македонија.

Патниците од автобусот залепиле и неколку налепници со ознака БГ, по што го продолжиле патот.

Околу четири часот биле запрени од полицијата на влезот во Куманово. Направен е претрес на автобусот, при што кај четири лица е пронајден доказен материјал. Патниците одбиле да бидат приведени и го блокирале магистралниот пат Куманово-Крива Паланка.