Објавен оглас за прием на 300 нови војници во АРМ

Кандидатите треба да се македонски државјани, да се полнолетни и да имаат посебна здравствена и физичка способност и да имаат завршено средно образование, да не се постари од 25 години на денот на завршувањето на огласот за прием на професионални војници.

„Министерството ги повикува сите млади и заинтересирани граѓани да ја искористат оваа можност, да работат во служба на татковината и да бидат дел од Армијата која нуди стабилна и сигурна кариера, континуирана обука и личен развој, развој на тимски вештини и вистински вредности“ стои во соопштението од Министерството за одбрана.

Јавниот оглас е објавен на веб-страницата на Министерството за одбрана и трае 15 дена вклучувајќи го денот на објавување.