Од полноќ повисоки цени на горивата

Од вечерва на полноќ горивата ќе се продаваат за повисоки цени за денар до денар и половина, соопшти денеска Регулаторната комисија за енергетика.

Моторниот бензин еуросупер БС-98  поскапува за 1,5 денари за литар, а за еден денар дизел горивото еуродизел БС (Д-Е V) и екстра лесното масло за домаќинство (ЕЛ-1).

Малопродажната цена на ЕУРОСУПЕР БС - 95 останува иста.

Највисоките малопродажни цени на нафтените деривати и горива за транспорт ќе изнесуваат:

- Моторен бензин - ЕУРОСУПЕР БС - 95 - 85,00 (денари/литар)

- Моторен бензин - ЕУРОСУПЕР БС – 98 - 87,00 (денари/литар)

- Дизел гориво - ЕУРОДИЗЕЛ БС (Д-Е V) - 77,00 (денари/литар)

- Масло за горење - Екстра лесно 1 (ЕЛ-1) - 76,00 (денари/литар)

- Мазут М-1 НС - 44,776 (денари/килограм)

Промената на цените на нафтата и нафтените деривати се должи на зголемување на референтните цени на светските берзи.