Општина Куманово вработува 34 административни службеници
Општина Куманово распиша конкурс за вработување на неопределено време на 34 административни службеници, од кои согласно балансерот, девет треба да се припадници на албанската етничка заедница, четворица на ромската и останатите од македонска етничка заедница.
Советниците на денешната седница ги усвоија измените и дополнувањата на годишниот план за вработување во општината. Стручните служби веќе ја започнале процедурата.
Од понеделник ќе видиме уште кои вработувања ќе можеме да ги реализираме, заради тоа што сега до 5. август до распишувањето на локалните избори, ќе може барем општината Куманово да ги задоволи потребите за вршење на основните функции на општината, изјави секретарот на општината, Валентина Алексовска.
Лицата ќе бидат примени на неопределено време, но во моментов не може да се распишат позиции за раководни места, бидејќи заинтересираните треба да положат испит за административно управување.
Во општината има вработено 200 административни службеници. Инаку, ова е трета измена на годишниот план за измена и дополна на годишниот план за вработување.
НАЈНОВИ
-
„Рома труба фест“ вечерва на Градскиот плоштад во Куманово
-
Просечната нето-плата во јуни изнесува 45.468 денари
-
Странски експерти ќе ги проверуваат кардиолошките интервенции во приватното здравство по наводите на д-р Кедев
-
Гласачкото ливче може да биде долго 7-8 метри поради граѓанските листи, вели Мицкоски
-
„Не дозволувајте да ве измамат по телефон!“, кампања на МВР во Куманово
-
Владата ќе купува 100 нови амбулантни возила
