Почната постапката за вработување на 23 специјализанти во Кумановската болница

 Со овие вработувања, бројот на вработени приватни специјализанти ќе достигне вкупно 50, откако во првата фаза беа вработени 27.

„Предвидено е да се вработат шестмина доктори по неврологија, четворица по интерна медицина, тројца по пулмологија и алергологија, двајца по гастроентерохепатологија и по еден доктор по гинекологија и акушерство, дерматовенерологија, кардиологија, ортопедија, психијатрија, физикална и рехабилитациона медицина, медицинска биохемија и радиодијагностика“, соопштуваат од Општата болница Куманово.

Со новите вработувања се очекува зајакнување на медицинскиот персонал и подобрување на здравствените услуги во кумановската болница.

Министерството за здравство го реализира проектот за вработување на 600 приватни специјализанти на државно ниво.