Пуштени во употреба новите тениски игралишта

 Се работи за инвестиција вредна 19,1 милиони денари реализирана преку проектот на Агенцијата за млади и спорт за изградба на 120 тениски терени низ целата држава.

„Ставени се во функција 4 тениски игралишта. Изградени се по меѓунаридни правила на МТФ и тука можат да се одигруваат меѓународни натпревари од трет ранг, осветлени се со рефлектори и можат да се користа и навечер. Верувам дека ќе бидат вистинска подршка за тениските клубови и за граѓаните кои ќе сакаат рекреативно да спортуваат,- изјави директорот на Агенцијата за млади и спорт Марјан Спасески.

На пуштањето во употреба присуствуваа министерот за транспорт и врски Владо Мисајловски,  и лидерот на ВМРО-ДПМНЕ Никола Груевски.

Во Куманово Агенцијата досега инвестирала 52 милиони денари за изградба на спортската сала „Панко Брашнаров„, игралиште во ОУ „11 Октомври„ и за тениските игралишта. Наредната година се планира изградба на фитнес зона, игралиште во Пчиња, скејт парк и 4 игралишта за стрит баскет.

Со тениските терени ќе стопанисува Општината Куманово.