СДСМ утре ќе одржи митинг на Градскиот плоштад во Куманово

Претседател на СДСМ Куманово, Дарко Ристовски, денеска на прес-конференција ги повика граѓаните да присуствуваат на Караванот „За нашиот дом“, да дадат поддршка и да испратат порака дека Куманово има едно срце, една енергија, и дека Куманово знае да се обедини кога е најважно. 

„Овие избори, нашата кампања ја водевме под слоганот „Се бориме за нашиот дом“- затоа што Куманово е нашиот дом, нашата заедница, нашата иднина. Се бориме за чист град, со подобра инфраструктура, за нови инвестции и нови работни места. Се бориме за младите- да останат тука, да создаваат и да се гордеат на својот дом. Во изминатиов период имавте можност да се запознаете со програмата која ја нуди кандидатот за градоначалник од редовите на СДСМ и коалицијата-Мартин Костовски. Имавте можност да ги запознаете кандидатите за советници заедно со носителот на листата- Томица Илиќ. Во изминатиов период, ги посетивме скоро сите наши сограѓани, ги слушнавме сите ваши потреби, критики, но и очекувања. По скоро 8 години, време е да свртиме нов лист во нашата општина. Време е за промени, за проекти кои движат напред и кои нема да останат во писмена форма. За број 5, за нашиот дом!“, кажа Ристовски.