Судир на камион и автомобил кај Ругинце, сообраќајот се одвива наизмeнично
29.11.2025 11:42
| KumanovoNews
Поради судир на камион и автомобил од 8.30 до 9.15 часот во прекин беше сообраќајот на магистралниот пат Куманово- Крива Паланка, кој сега се одвива со наизменично пропуштање на возилата.
„На магистралниот пат Куманово – Крива Паланка, кај село Ругинце, денеска во 8.15 часот се случила сообраќајна несреќа помеѓу товарно моторно возило со бугарски национални ознаки и патничко моторно возило со кривопаланечки регистарски ознаки. Увидот е во тек“, соопшти СВР Куманово.
Од АМСМ велат дека од 09.15 часот на магистралниот пат Куманово-Крива Паланка, сообраќајот се одвива со наизменично пропуштање на возилата.
(Фото: Aрхива)

