Трет смртен случај од западнонилска треска, 35 заразени, шестмина во критична состојба

Според Министерот за здравство Сашо Клековски, досега се потврдени 35 случаи на западнонилска треска, додека три случаи се суспектни и се во процес на дијагностицирање. Шестмина се во критична состојба.

Во моментов се хоспитализирани 16 пациенти кои се згрижени на Клиниката за инфективни болести, а еден пациент се лекува во приватна здравствена установа.

Од Клиниката за инфективни болести досега се пуштени 15 пациенти кои се излекувале.